31

ചി​ന്താ​വി​ഷ​യം

റ​ഷ്യ​ൻ സാ​ഹി​ത്യ​ത്തി​ലെ മ​ഹാ​നാ​യ ക​ഥാ​കൃ​ത്താ​ണ് ആ​ന്‍റ​ണ്‍ ചെ​ക്കോ​വ് (1860- 1904). അ​ദ്ദേ​ഹ​ത്തി​ന്‍റെ ചെ​റു​ക​ഥ​ക​ളി​ൽ ഏ​റെ ശ്ര​ദ്ധ​യാ​ക​ർ​ഷി​ക്കു​ന്ന ഒ​ന്നാ​ണ് "ദി ​ലോ​ട്ട​റി ടി​ക്ക​റ്റ്'. വ​ള​രെ സാ​ധാ​ര​ണ​മാ​യ ഒ​രു കു​ടും​ബ​സ​ന്ധ്യ​യി​ലൂ​ടെ​യാ​ണ് ക​ഥ ആ​രം​ഭി​ക്കു​ന്ന​ത്. ഭാ​ര്യാ​ഭ​ർ​ത്താ​ക്ക​ന്മാ​രാ​യ മാ​ഷ​യും ഐ​വാ​നും ശാ​ന്ത​മാ​യി വീ​ട്ടി​ൽ ഇ​രി​ക്കു​ന്നു. അ​വ​ർ​ത​മ്മി​ൽ യാ​തൊ​രു ക​ല​ഹ​വും വി​ഷ​മ​വും ഇ​ല്ല. സ​മാ​ധാ​ന​പൂ​ർ​ണ​മാ​ണ് അ​വ​രു​ടെ ജീ​വി​തം.
ആ ​സ​മ​യ​ത്ത്, ത​ങ്ങ​ളു​ടെ കൈ​വ​ശ​മു​ള്ള ഒ​രു ലോ​ട്ട​റി ടി​ക്ക​റ്റി​നെ​ക്കു​റി​ച്ച് മാ​ഷ​യ്ക്ക് ഓ​ർ​മ​വ​രു​ന്നു. അ​വ​ർ ഭ​ർ​ത്താ​വി​നോ​ട് പ​ത്ര​ത്തി​ൽ ഫ​ലം നോ​ക്കാ​ൻ പ​റ​യു​ന്നു. ആ​ദ്യം ഐ​വാ​ന് അ​ക്കാ​ര്യ​ത്തി​ൽ വ​ലി​യ താ​ല്പ​ര്യം തോ​ന്നി​യി​ല്ല. എ​ങ്കി​ലും ന​ന്പ​ർ പ​രി​ശോ​ധി​ച്ച​പ്പോ​ൾ വി​ജ​യി​ച്ച സീ​രീ​സ് ന​ന്പ​ർ ത​ങ്ങ​ളു​ടെ ടി​ക്ക​റ്റി​നോ​ട് ഒ​ത്തു​പോ​കു​ന്ന​താ​യി തോ​ന്നു​ന്നു. എ​ഴു​പ​തി​നാ​യി​രം റൂ​ബി​ളാ​ണ് സ​മ്മാ​നം. ഇ​പ്പോ​ഴ​ത്തെ ക​ണ​ക്കു​വ​ച്ച് നോ​ക്കി​യാ​ൽ ഇ​ത് 45 കോ​ടി രൂ​പ​യോ​ളം വ​രും.
ഇ​ത്ര​യും വ​ലി​യ തു​ക സ​മ്മാ​ന​മാ​യി കി​ട്ടി​യേ​ക്കു​മെ​ന്നു വ​ന്ന​പ്പോ​ൾ അ​വ​രു​ടെ ര​ണ്ടു​പേ​രു​ടെ​യും ചി​ന്ത​ക​ൾ ര​ണ്ടു​വ​ഴി​ക്കു തി​രി​ഞ്ഞു. പു​തി​യ ഭൂ​മി വാ​ങ്ങു​ക, സു​ഖ​മാ​യി ജീ​വി​ക്കു​ക, യാ​ത്ര​ക​ൾ പോ​വു​ക.. ഐ​വാ​ന്‍റെ ചി​ന്ത പോ​യ​ത് അ​ങ്ങ​നെ​യാ​യി​രു​ന്നു. ആ ​ചി​ന്ത​യി​ൽ​നി​ന്ന് മാ​ഷ സാ​വ​ധാ​നം അ​പ്ര​ത്യ​ക്ഷ​യാ​യി. ഭാ​ര്യ കൂ​ടെ​യു​ണ്ടാ​യാ​ൽ ജീ​വി​തം അ​ടി​ച്ചു​പൊ​ളി​ക്കാ​ൻ സാ​ധി​ക്കി​ല്ല എ​ന്ന ത​ര​ത്തി​ലാ​ണ് അ​യാ​ളു​ടെ ചി​ന്ത പോ​യ​ത്. പ​ണം മു​ഴു​വ​ൻ അ​വ​ൾ സ്വാ​ർ​ഥ താ​ല്പ​ര്യ​ങ്ങ​ൾ​ക്കാ​യി ചെ​ല​വ​ഴി​ക്കു​മെ​ന്ന് ഐ​വാ​ൻ ഭ​യ​പ്പെ​ട്ടു.
അ​തേ​സ​മ​യം മാ​ഷ​യും സ്വ​പ്നം​കാ​ണു​ക​യാ​യി​രു​ന്നു. ത​ന്‍റെ​യും ത​ന്‍റെ സ്വ​ന്ത​ക്കാ​രു​ടെ​യും ആ​വ​ശ്യ​ങ്ങ​ൾ​ക്കു​വേ​ണ്ടി ആ ​പ​ണം എ​ങ്ങ​നെ ചെ​ല​വ​ഴി​ക്കാ​ൻ സാ​ധി​ക്കു​മെ​ന്നാ​ണ് അ​വ​ൾ ആ​ലോ​ചി​ച്ച​ത്. മു​ഴു​വ​നും ത​ന്‍റെ നി​യ​ന്ത്ര​ണ​ത്തി​ലാ​യി​രി​ക്ക​ണ​മെ​ന്നാ​യി​രു​ന്നു അ​വ​ളു​ടെ മോ​ഹം. ഭ​ർ​ത്താ​വ് അ​തി​നു ത​ട​സം​നി​ൽ​ക്കു​മോ​യെ​ന്നും മാ​ഷ ഭ​യ​പ്പെ​ട്ടു.
ഒ​രു വാ​ക്കു പോ​ലും പ​ര​സ്പ​രം പ​റ​യാ​തെ അ​വ​രു​ടെ ഹൃ​ദ​യ​ങ്ങ​ളി​ൽ മാ​റ്റം സം​ഭ​വി​ക്കു​ക​യാ​ണ്. സ്നേ​ഹ​മു​ണ്ടാ​യി​രു​ന്നി​ട​ത്ത് സം​ശ​യം ക​ട​ന്നു​വ​രു​ന്നു. സ​ന്തോ​ഷം ഉ​ണ്ടാ​യി​രു​ന്നി​ട​ത്ത് അ​സ്വ​സ്ഥ​ത മു​ള​യെ​ടു​ക്കു​ന്നു. അ​വ​ർ പ​ര​സ്പ​രം നോ​ക്കു​ന്പോ​ൾ കാ​ണു​ന്ന​ത് ഭാ​ര്യാ​ഭ​ർ​ത്താ​ക്ക​ന്മാ​രാ​യി​ട്ട​ല്ല. പ്ര​ത്യു​ത, ശ​ത്രു​ക്ക​ളാ​യി മാ​ത്രം!
ഈ ​ക​ഥ​യു​ടെ ഏ​റ്റ​വും പ്ര​സ​ക്ത​മാ​യ ഭാ​ഗം എ​ന്താ​ണെ​ന്നോ? യ​ഥാ​ർ​ഥ​ത്തി​ൽ ഒ​ന്നും സം​ഭ​വി​ച്ചി​ട്ടി​ല്ല. പ​ണം അ​വ​രു​ടെ കൈ​വ​ശം എ​ത്തി​യി​ട്ടി​ല്ല. എ​ല്ലാം അ​വ​രു​ടെ ഭാ​വ​ന​യി​ൽ മാ​ത്രം. എ​ന്നാ​ൽ, പ​ണം ല​ഭി​ക്കു​മെ​ന്ന ചി​ന്ത മാ​ത്രം മ​തി​യാ​യി​രു​ന്നു അ​വ​രു​ടെ ഭാ​ര്യാ​ഭ​ർ​തൃ​ബ​ന്ധ​ത്തി​ന്‍റെ ഊ​ഷ്മ​ള​ത കെ​ടു​ത്തു​വാ​ൻ, അ​വ​രു​ടെ സ്നേ​ഹ​ബ​ന്ധം ത​ക​ർ​ക്കു​വാ​ൻ.
അ​വ​സാ​നം, ഐ​വാ​ൻ ടി​ക്ക​റ്റ് ന​ന്പ​ർ മു​ഴു​വ​നും സൂ​ക്ഷ്മ​മാ​യി പ​രി​ശോ​ധി​ക്കു​ന്നു. അ​പ്പോ​ൾ അ​വ​സാ​ന ന​ന്പ​റു​ക​ൾ ഒ​ത്തു​പോ​കു​ന്നി​ല്ലെ​ന്നു വ്യ​ക്ത​മാ​യി. അ​തോ​ടെ അ​വ​രു​ടെ സ്വ​പ്ന​ങ്ങ​ൾ പൊ​ലി​ഞ്ഞു​വീ​ണു. അ​തോ​ടൊ​പ്പം അ​വ​രു​ടെ പ​ര​സ്പ​ര​ബ​ന്ധ​ത്തി​ലും വി​ള്ള​ൽ​വീ​ണു.
ധ​ന​ത്തി​നു ന​മ്മെ മാ​റ്റി​മ​റി​ക്കാ​നാ​വു​മെ​ന്നു ന​മു​ക്ക​റി​യാം. എ​ന്നാ​ൽ, ധ​ന​മോ​ഹ​ത്തി​നും അ​തു സാ​ധി​ക്കു​മെ​ന്നാ​ണ് ചെ​ക്കോ​വ് ന​മ്മെ അ​നു​സ്മ​രി​പ്പി​ക്കു​ന്ന​ത്. ലോ​ട്ട​റി​യി​ലൂ​ടെ പ​ണം ല​ഭി​ക്കാ​ൻ പോ​കു​ന്നു​വെ​ന്ന​റി​ഞ്ഞ​പ്പോ​ൾ ഐ​വാ​ന്‍റെ മാ​ത്ര​മ​ല്ല, മാ​ഷ​യു​ടെ​യും ചി​ന്താ​ഗ​തി​യി​ൽ മാ​റ്റം​വ​ന്നു. അ​വ​ർ അ​പ്പോ​ൾ കൂ​ടു​ത​ൽ സ്വാ​ർ​ഥ​രാ​യി മാ​റു​ക​യാ​യി​രു​ന്നു.
ധ​ന​മോ​ഹം ന​മ്മു​ടെ ജീ​വി​ത​ത്തി​ലേ​ക്കു ക​ട​ന്നു​വ​രു​ന്ന​ത് വ​ലി​യ ശ​ബ്ദ​ത്തോ​ടെ​യാ​യി​രി​ക്കി​ല്ല. അ​തു നി​ശ​ബ്ദ​മാ​യി ക​ട​ന്നു​വ​രും. ഒ​രു ചെ​റി​യ സ്വ​പ്ന​മാ​യി.. ഒ​രാ​ഗ്ര​ഹ​മാ​യി... കൂ​ടു​ത​ൽ പ​ണ​മു​ണ്ടെ​ങ്കി​ൽ ജീ​വി​തം മെ​ച്ച​മാ​കും എ​ന്ന ചി​ന്ത​യാ​ണ് അ​തി​നു​പി​ന്നി​ൽ. പ​ക്ഷേ, ആ ​ചി​ന്ത​യാ​ണ് ഐ​വാ​നെ മാ​ഷ​യ്ക്ക് എ​തി​രാ​ക്കി​യ​ത്, മാ​ഷ​യെ കൂ​ടു​ത​ൽ സ്വാ​ർ​ഥ​മ​തി​യാ​ക്കി​യ​ത്.
അ​വ​രു​ടെ ജീ​വി​തം ആ​ദ്യം സാ​ധാ​ര​ണ​മാ​യി​രു​ന്നെ​ങ്കി​ലും സ​മാ​ധാ​ന​മു​ള്ള​താ​യി​രു​ന്നു. പ​ക്ഷേ സ​ന്പ​ത്തി​നെ​ക്കു​റി​ച്ചു​ള്ള പെ​ട്ടെ​ന്നു​ള്ള അ​വ​രു​ടെ സ്വ​പ്നം അ​വ​രു​ടെ മ​ന​സി​ൽ അ​സ​ന്തോ​ഷം പ​ട​ർ​ത്തി. ഇ​താ​ണ് ധ​ന​മോ​ഹ​ത്തി​ന്‍റെ ദു​ര​ന്തം. ആ​ദ്യം അ​ത് ജീ​വി​ത​സ​ന്തോ​ഷം ക​വ​ർ​ന്നു​കൊ​ണ്ടു​പോ​കും. അ​തോ​ടൊ​പ്പം ജീ​വി​ത​ബ​ന്ധ​ങ്ങ​ളും ത​ക​ർ​ക്കും. ത​ന്മൂ​ല​മാ​ണ് വി​ശു​ദ്ധ പൗ​ലോ​സ് എ​ഴു​തി​യ​ത്, ""ധ​ന​മോ​ഹ​മാ​ണ് എ​ല്ലാ തി​ന്മ​ക​ളു​ടെ​യും അ​ടി​സ്ഥാ​ന കാ​ര​ണം'' എ​ന്ന് (1 തി​മോ 6:10).
ദൈ​വ​പു​ത്ര​നാ​യ യോ​ശു ന​ൽ​കി​യി​രി​ക്കു​ന്ന മു​ന്ന​റി​യി​പ്പ് ഈ ​പ​ശ്ചാ​ത്ത​ല​ത്തി​ൽ നാം ​ഏ​റെ ശ്ര​ദ്ധി​ക്കേ​ണ്ട​തു​ണ്ട്. അ​വി​ട​ന്ന് പ​റ​യു​ന്നു: ""ജാ​ഗ​രൂ​ക​രാ​യി​രി​ക്കു​വി​ൻ. എ​ല്ലാ അ​ത്യാ​ഗ്ര​ഹ​ങ്ങ​ളി​ലും​നി​ന്ന് അ​ക​ന്നി​രി​ക്കു​ക​യും ചെ​യ്യു​വി​ൻ'' (ലൂ​ക്കാ 12:14-15). ധ​നം ആ​ഗ്ര​ഹി​ക്കു​ന്ന​ത് തെ​റ്റ​ല്ല. എ​ന്നാ​ൽ ധ​നം ഹൃ​ദ​യ​ത്തി​ന്‍റെ ശ്ര​ദ്ധാ​കേ​ന്ദ്ര​മാ​യി മാ​റു​ന്പോ​ഴാ​ണ് അ​പ​ക​ടം തു​ട​ങ്ങു​ന്ന​ത്. അ​പ്പോ​ഴാ​ണ് കു​ടും​ബ​ങ്ങ​ളി​ൽ ക​ല​ഹ​ങ്ങ​ളു​ണ്ടാ​കു​ന്ന​ത്. സ​ഹ​യാ​ത്രി​ക​ർ മ​ത്സ​രാ​ർ​ഥി​ക​ളാ​യി മാ​റു​ന്ന​ത്. സൗ​ഹൃ​ദ​ങ്ങ​ൾ പി​ള​ർ​ക്ക​പ്പെ​ടു​ന്ന​ത്. ഹൃ​ദ​യ​ബ​ന്ധ​ങ്ങ​ളി​ൽ നി​ശ​ബ്ദ​മാ​യ മാ​റ്റ​ങ്ങ​ൾ ഉ​ണ്ടാ​കു​ന്ന​ത്.
യേ​ശു വീ​ണ്ടും പ​റ​യു​ന്നു: ""മ​നു​ഷ്യ​ജീ​വി​തം സ​ന്പ​ത്തു​കൊ​ണ്ട​ല്ല ധ​ന്യ​മാ​കു​ന്ന​ത്'' (ലൂ​ക്കാ 12:15). സ​ന്പ​ത്ത് ജീ​വി​ത​ത്തെ ധ​ന്യ​മാ​ക്കു​മെ​ന്ന മി​ഥ്യാ​ധാ​ര​ണ​യാ​ണ് സ​ന്പ​ത്തി​ന്‍റെ പി​ന്നാ​ലെ പോ​കാ​ൻ ന​മ്മെ പ്രേ​രി​പ്പി​ക്കു​ന്ന​ത്. എ​ന്നാ​ൽ അ​തു​വ​ഴി ന​മു​ക്കു​ണ്ടാ​കു​ന്ന തി​ന്മ​ക​ൾ എ​ത്ര​യോ ഏ​റെ​യാ​ണ്. ആ ​തി​ന്മ​ക​ൾ ഒ​ഴി​വാ​ക്കി​വേ​ണം നാം ​ധ​നം സ​ന്പാ​ദി​ക്കു​വാ​ൻ. അ​തോ​ടൊ​പ്പം, ജീ​വി​ത​ത്തെ യ​ഥാ​ർ​ഥ​ത്തി​ൽ ധ​ന്യ​മാ​ക്കു​ന്ന കാ​ര്യ​ത്തി​ൽ നാം ​ശ്ര​ദ്ധി​ക്കു​ക​യും വേ​ണം.
അ​ത് എ​ന്താ​ണെ​ന്നോ? യേ​ശു​നാ​ഥ​ൻ പ​റ​യു​ന്നു: ""നി​ങ്ങ​ൾ ആ​ദ്യം ദൈ​വ​രാ​ജ്യ​വും അ​വി​ട​ത്തെ നീ​തി​യും അ​ന്വേ​ഷി​ക്കു​വി​ൻ. അ​തോ​ടൊ​പ്പം, മ​റ്റെ​ല്ലാം നി​ങ്ങ​ൾ​ക്കു ല​ഭി​ക്കും'' (മ​ത്താ 6:33). ദൈ​വ​രാ​ജ്യം അ​ന്വേ​ഷി​ക്കു​ക എ​ന്നു പ​റ​ഞ്ഞാ​ൽ ദൈ​വ​ത്തെ ന​മ്മു​ടെ ജീ​വി​ത​ത്തി​ന്‍റെ ശ്ര​ദ്ധാ​കേ​ന്ദ്രം ആ​ക്കു​ക എ​ന്ന​ർ​ഥം. അ​പ്പോ​ൾ അ​വി​ട​ത്തെ ഇ​ഷ്ടം ചെ​യ്യാ​നും അ​വി​ട​ന്നാ​ഗ്ര​ഹി​ക്കു​ന്ന രീ​തി​യി​ൽ ജീ​വി​ക്കാ​നും ന​മു​ക്കു സാ​ധി​ക്കും. അ​പ്പോ​ൾ​പ്പി​ന്നെ നാം ​ധ​ന​മോ​ഹ​ത്തി​ന്‍റെ​യോ മ​റ്റു തി​ന്മ​ക​ളു​ടെ​യോ പി​ടി​യി​ൽ അ​ക​പ്പെ​ടു​ക​യി​ല്ലെ​ന്നു തീ​ർ​ച്ച.

കൊ​ച്ചി: കേ​ര​ള സം​സ്ഥാ​ന ഭാ​ഗ്യ​ക്കു​റി​യു​ടെ 2025-ലെ ​ക്രി​സ്മ​സ്-​പു​തു​വ​ത്സ​ര ബ​മ്പ​ർ ലോ​ട്ട​റി​യു​ടെ ഒ​ന്നാം സ​മ്മാ​ന​മാ​യ 20 കോ​ടി രൂ​പ കൈ​മാ​റു​ന്ന​ത് ഹൈ​ക്കോ​ട​തി ത​ട​ഞ്ഞു. സ​മ്മാ​നാ​ർ​ഹ​മാ​യ ടി​ക്ക​റ്റ് ത​ന്‍റേ​താ​ണെ​ന്നും എ​ന്നാ​ൽ അ​ത് കൊ​റി​യ​ർ സ്ഥാ​പ​ന​ത്തി​ലെ ജീ​വ​ന​ക്കാ​ർ മോ​ഷ്ടി​ച്ച​താ​ണെ​ന്നും കാ​ണി​ച്ച് റി​ട്ട​യേ​ർ​ഡ് എ​എ​സ്ഐ കെ.​കെ സ​ജി​മോ​ൻ സ​മ​ർ​പ്പി​ച്ച ഹ​ർ​ജി​യി​ലാ​ണ് കോ​ട​തി ന​ട​പ​ടി.

പി​റ​വം സ്വ​ദേ​ശി​യാ​യ സ​ജി​മോ​ൻ ശ​ബ​രി​മ​ല തീ​ർ​ത്ഥാ​ട​ക​ർ​ക്കാ​യി ഓ​ടി​ക്കു​ന്ന ത​ന്‍റെ വാ​ഹ​ന​ത്തി​ൽ നി​ന്ന് ല​ഭി​ച്ച നെ​യ്യ് അ​ട​ങ്ങി​യ പാ​ത്രം ഉ​ട​മ​യ്ക്ക് കൈ​മാ​റാ​നാ​യി സൂ​ക്ഷി​ച്ചു​വെ​ച്ചി​രു​ന്നു. ത​ന്‍റെ ലോ​ട്ട​റി ടി​ക്ക​റ്റും ഭാ​ഗ്യ​ത്തി​നാ​യി ഈ ​നെ​യ്യ് പാ​ത്ര​ത്തി​നൊ​പ്പം പൂ​ജാ​മു​റി​യി​ൽ സൂ​ക്ഷി​ച്ചു. പി​ന്നീ​ട് ഉ​ട​മ​യു​ടെ ആ​വ​ശ്യ​പ്ര​കാ​രം ഈ ​പാ​ത്രം കൊ​റി​യ​ർ വ​ഴി അ​യ​ക്കാ​ൻ സ​ജി​മോ​ൻ തീ​രു​മാ​നി​ച്ചു.

ജ​നു​വ​രി 24-ന് ​ഒ​രു അ​പ​ക​ട​ത്തി​ൽ​പ്പെ​ട്ട് ത​ല​യ്ക്ക് പ​രി​ക്കേ​റ്റ സ​ജി​മോ​ൻ അ​വ​ശ​നി​ല​യി​ലാ​യി​രു​ന്നു. ഈ ​അ​വ​ശ​ത​യ്ക്കി​ടെ ജ​നു​വ​രി 30-ന് ​പി​റ​വ​ത്തെ ഒ​രു കൊ​റി​യ​ർ സ്ഥാ​പ​ന​ത്തി​ൽ പാ​ത്രം അ​യ​ക്കാ​ൻ ഏ​ൽ​പ്പി​ച്ചു. എ​ന്നാ​ൽ പാ​ത്രം പാ​ക്ക് ചെ​യ്യു​ന്ന​തി​നി​ടെ ജീ​വ​ന​ക്കാ​ർ ടി​ക്ക​റ്റ് കൈ​ക്ക​ലാ​ക്കി​യെ​ന്നാ​ണ് സ​ജി​മോ​ന്‍റെ പ​രാ​തി. ലോ​ട്ട​റി അ​ടി​ച്ച​ത് അ​റി​ഞ്ഞ് ടി​ക്ക​റ്റി​നാ​യി തി​ര​ഞ്ഞ​പ്പോ​ഴാ​ണ് അ​ത് നെ​യ്യ് പാ​ത്ര​ത്തോ​ടൊ​പ്പം കൊ​റി​യ​ർ ഓ​ഫീ​സി​ൽ പോ​യ വി​വ​രം അ​ദ്ദേ​ഹം തി​രി​ച്ച​റി​ഞ്ഞ​ത്.

സ​ജി​മോ​ൻ ഉ​ട​ൻ ത​ന്നെ കൊ​റി​യ​ർ ഓ​ഫീ​സു​മാ​യി ബ​ന്ധ​പ്പെ​ട്ടെ​ങ്കി​ലും ടി​ക്ക​റ്റ് തി​രി​കെ ല​ഭി​ച്ചി​ല്ല. തു​ട​ർ​ന്ന് അ​ദ്ദേ​ഹം പോ​ലീ​സി​ലും കോ​ട​തി​യി​ലും പ​രാ​തി ന​ൽ​കു​ക​യാ​യി​രു​ന്നു. കൊ​റി​യ​ർ ഓ​ഫീ​സി​ലെ സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ക്കാ​ൻ കോ​ട​തി നേ​ര​ത്തെ ഉ​ത്ത​ര​വി​ട്ടി​രു​ന്നു.

ഹ​ർ​ജി പ​രി​ഗ​ണി​ച്ച ജ​സ്റ്റി​സ് ബെ​ച്ചു കു​ര്യ​ൻ തോ​മ​സ്, സ​മ്മാ​ന​ത്തു​ക കൈ​മാ​റു​ന്ന​ത് താ​ൽ​ക്കാ​ലി​ക​മാ​യി ത​ട​ഞ്ഞു​കൊ​ണ്ട് ഉ​ത്ത​ര​വി​ട്ടു. കൂ​ടാ​തെ, നി​ല​വി​ൽ ലോ​ട്ട​റി വ​കു​പ്പി​ൽ ടി​ക്ക​റ്റ് ഹാ​ജ​രാ​ക്കി​യ വ്യ​ക്തി​യു​ടെ വി​വ​ര​ങ്ങ​ളും ടി​ക്ക​റ്റി​ന്‍റെ പ​ക​ർ​പ്പും മു​ദ്ര​വെ​ച്ച ക​വ​റി​ൽ ഹാ​ജ​രാ​ക്കാ​ൻ ലോ​ട്ട​റി ഡ​യ​റ​ക്ട​റോ​ട് കോ​ട​തി നി​ർ​ദ്ദേ​ശി​ച്ചു. കേ​സി​ലെ അ​ന്വേ​ഷ​ണം പൂ​ർ​ത്തി​യാ​കു​ന്ന​ത് വ​രെ സ​മ്മാ​ന​ത്തു​ക വി​ത​ര​ണം ചെ​യ്യ​രു​തെ​ന്നാ​ണ് കോ​ട​തി​യു​ടെ ഇ​ട​ക്കാ​ല ഉ​ത്ത​ര​വ്.

തി​രു​വ​ന​ന്ത​പു​രം: അ​ഖി​ലേ​ന്ത്യ പ​ണി​മു​ട​ക്ക് ന​ട​ക്കു​ന്ന​തി​നാ​ൽ വ്യാ​ഴാ​ഴ്ച (12-02-26) ന​ട​ക്കാ​നി​രു​ന്ന കാ​രു​ണ്യ പ്ല​സ് (KN-610) ഭാ​ഗ്യ​ക്കു​റി​യു​ടെ ന​റു​ക്കെ​ടു​പ്പ് തീ​യ​തി മാ​റ്റി. ന​റു​ക്കെ​ടു​പ്പ് 13ന് ​ഉ​ച്ച​യ്ക്ക് ഒ​ന്ന​ര​യ്ക്ക് ന​ട​ക്കു​മെ​ന്ന് സം​സ്ഥാ​ന ഭാ​ഗ്യ​ക്കു​റി ഡ​യ​റ​ക്ട​റേ​റ്റ് വി​കാ​സ് ഭ​വ​ന്‍ അ​റി​യി​ച്ചു.

പ​ണി​മു​ട​ക്ക് കാ​ര​ണം ടി​ക്ക​റ്റു​ക​ൾ വി​റ്റു​തീ​ർ​ക്കാ​ൻ തൊ​ഴി​ലാ​ളി​ക​ൾ​ക്ക് സാ​ധി​ക്കി​ല്ലെ​ന്ന കേ​ര​ള സം​സ്ഥാ​ന ഭാ​ഗ്യ​ക്കു​റി സം​ര​ക്ഷ​ണ സ​മി​തി​യു​ടെ ആ​വ​ശ്യ​പ്ര​കാ​ര​മാ​ണ് തീ​രു​മാ​നം. തീ​രു​മാ​നം കേ​ര​ള പേ​പ്പ​ർ ലോ​ട്ട​റി (റെ​ഗു​ലേ​ഷ​ൻ) നി​യ​മം, ച​ട്ടം 8(6) - ന് ​വി​ധേ​യ​മാ​യി ആ​ണെ​ന്നും അ​ധി​കൃ​ത​ർ അ​റി​യി​ച്ചു.

തി​​​രു​​​വ​​​ന​​​ന്ത​​​പു​​​രം: മ​​​ദ്യ​​​വും ലോ​​​ട്ട​​​റി​​​യും മോ​​​ട്ടോ​​​ർ​​​വാ​​​ഹ​​​ന നി​​​കു​​​തി​​​യും മാ​​​ത്ര​​​മ​​​ല്ല കേ​​​ര​​​ള​​​ത്തി​​​ന്‍റെ സ​​​ന്പ​​​ദ്ഘ​​​ട​​​ന​​​യെ​​​ന്ന് മ​​​ന്ത്രി കെ.​​​എ​​​ൻ.​​​ബാ​​​ല​​​ഗോ​​​പാ​​​ൽ. ജി​​​എ​​​സ്ടി വ​​​രു​​​മാ​​​ന​​​വും പെ​​​ട്രോ​​​ളും മ​​​റ്റു വ​​​രു​​​മാ​​​ന മാ​​​ർ​​​ഗ​​​ങ്ങ​​​ളും കേ​​​ര​​​ള​​​ത്തി​​​ന്‍റെ സ​​​ന്പ​​​ദ്ഘ​​​ട​​​ന​​​യു​​​ടെ നെ​​​ടും​​​തൂ​​​ണാ​​​ണെ​​​ന്നും മ​​​ന്ത്രി പ​​​റ​​​ഞ്ഞു.

എ​​​ല്ലാ മേ​​​ഖ​​​ല​​​യി​​​ൽനി​​​ന്നും വ​​​രു​​​മാ​​​നം ല​​​ഭി​​​ക്കു​​​ന്നു​​​ണ്ട്. ച​​​ര​​​ക്കുസേ​​​വ​​​ന നി​​​കു​​​തി വ​​​രു​​​മാ​​​ന​​​ത്തി​​​ലും വ​​​ർ​​​ധ​​​ന​​​യു​​​ണ്ട്. ലോ​​​ട്ട​​​റി​​​യി​​​ൽനി​​​ന്നു കൂ​​​ടു​​​ത​​​ൽ ലാ​​​ഭം ല​​​ഭി​​​ക്കു​​​ന്നി​​​ല്ല. ലോ​​​ട്ട​​​റി സ​​​ർ​​​ക്കാ​​​ർ ന​​​ട​​​ത്തു​​​ന്ന​​​തി​​​നാ​​​ൽ ലോ​​​ട്ട​​​റി​​​യി​​​ൽനി​​​ന്നു​​​ള്ള വ​​​രു​​​മാ​​​നം ജീ​​​വ​​​ന​​​ക്കാ​​​ർ​​​ക്ക് ശ​​​ന്പ​​​ളം ന​​​ൽ​​​കാ​​​നും ഏ​​​ജ​​​ന്‍റു​​​മാ​​​രു​​​ടെ​​​യും വി​​​ൽ​​​പ്പ​​​ന​​​ക്കാ​​​രു​​​ടെ​​​യും ക​​​മ്മീ​​​ഷ​​​നും മ​​​റ്റു ചെ​​​ല​​​വു​​​ക​​​ൾ​​​ക്കാ​​​യാ​​​ണ് വി​​​നി​​​യോ​​​ഗി​​​ക്കു​​​ന്ന​​​ത്. മ​​​ദ്യ​​​ത്തി​​​ന് ഇ​​​തു​​​വ​​​രെ സ​​​ർ​​​ക്കാ​​​ർ വി​​​ല കൂ​​​ട്ടി​​​യി​​​ട്ടി​​​ല്ല. സെ​​​സ് ഏ​​​ർ​​​പ്പെ​​​ടു​​​ത്തു​​​ക മാ​​​ത്ര​​​മാ​​​ണു ചെ​​​യ്ത​​​ത്. മോ​​​ട്ടോ​​​ർ വാ​​​ഹ​​​ന നി​​​കു​​​തി കു​​​റ​​​ച്ച​​​തു വ​​​ഴി കേ​​​ര​​​ള​​​ത്തി​​​ന് 2000 കോ​​​ടി​​​യു​​​ടെ ന​​​ഷ്ട​​​മു​​​ണ്ടാ​​​കു​​​മെ​​​ന്ന ആ​​​ശ​​​ങ്ക​​​യു​​​ണ്ടാ​​​യി​​​രു​​​ന്നു.

ആ​​​ഭ്യ​​​ന്ത​​​ര ഉ​​​ത്പാ​​​ദ​​​ന​​​വും ഉ​​​പ​​​ഭോ​​​ഗ​​​വും വ​​​ർ​​​ധി​​​പ്പി​​​ച്ചാ​​​ൽ മാ​​​ത്ര​​​മേ ന​​​മു​​​ക്ക് സാ​​​ന്പ​​​ത്തി​​​ക പ്ര​​​തി​​​സ​​​ന്ധി​​​യെ അ​​​തി​​​ജീ​​​വി​​​ക്കാ​​​ൻ ക​​​ഴി​​​യൂ. വ​​​യോ​​​ജ​​​ന​​​ങ്ങ​​​ളു​​​ടെ ക്ഷേ​​​മ​​​ത്തി​​​നാ​​​യു​​​ള്ള പ​​​ദ്ധ​​​തി​​​ക​​​ൾ ഇ​​​ത്ത​​​വ​​​ണ​​​ത്തെ ബ​​​ജ​​​റ്റി​​​ലു​​​ണ്ടാ​​​കു​​​മെ​​​ന്നും മാ​​​ധ്യ​​​മ മേ​​​ഖ​​​ല​​​യി​​​ലു​​​ള്ള​​​വ​​​രു​​​മാ​​​യു​​​ള്ള പ്രി ​​​ബ​​​ജ​​​റ്റ് സം​​​വാ​​​ദ​​​ത്തി​​​ൽ ധ​​​ന​​​മ​​​ന്ത്രി പ​​​റ​​​ഞ്ഞു.

സി​​​വി​​​ൽ സ​​​ർ​​​വീ​​​സ് ഇ​​​ന്‍റ​​​ർ​​​വ്യൂ​​​വി​​​ൽ പ​​​ങ്കെ​​​ടു​​​ക്കു​​​ന്ന മ​​​ല​​​യാ​​​ളി​​​ക​​​ൾ​​​ക്ക് സം​​​സ്ഥാ​​​ന സ​​​ർ​​​ക്കാ​​​ർ വി​​​മാ​​​ന​​​ടി​​​ക്ക​​​റ്റും ഡ​​​ൽ​​​ഹി​​​യി​​​ലെ കേ​​​ര​​​ള ഹൗ​​​സി​​​ൽ താ​​​മ​​​സ​​​സൗ​​​ക​​​ര്യ​​​വും ഏ​​​ർ​​​പ്പെ​​​ടു​​​ത്തു​​​ന്ന​​​തുപോ​​​ലെ കേ​​​ന്ദ്രസ​​​ർ​​​ക്കാ​​​ർ സ്ഥാ​​​പ​​​ന​​​ങ്ങ​​​ളി​​​ലേ​​​ക്കും കേ​​​ന്ദ്ര പൊ​​​തു​​​മേ​​​ഖ​​​ലാ സ്ഥാ​​​പ​​​ന​​​ങ്ങ​​​ളി​​​ലേ​​​ക്കും ഇ​​​ന്‍റ​​​ർ​​​വ്യൂ​​​വി​​​ൽ പ​​​ങ്കെ​​​ടു​​​ക്കു​​​ന്ന മ​​​ല​​​യാ​​​ളി യു​​​വാ​​​ക്ക​​​ൾ​​​ക്ക് ട്രെ​​​യി​​​ൻ ടി​​​ക്ക​​​റ്റും താ​​​മ​​​സ സൗ​​​ക​​​ര്യ​​​വും ബ​​​ജ​​​റ്റി​​​ൽ പ്ര​​​ഖ്യാ​​​പി​​​ക്ക​​​ണ​​​മെ​​​ന്ന ആ​​​വ​​​ശ്യം ഉ​​​യ​​​ർ​​​ന്നു. ഇ​​​ക്കാ​​​ര്യം പ​​​രി​​​ശോ​​​ധി​​​ക്കാ​​​മെ​​​ന്ന് ധ​​​ന​​​മ​​​ന്ത്രി പ​​​റ​​​ഞ്ഞു. കേ​​​ര​​​ള​​​ത്തി​​​ലെ പി​​​എ​​​സ്‌​​​സി ഇ​​​ന്‍റ​​​ർ​​​വ്യൂ​​​വി​​​നു പോ​​​കു​​​ന്ന യു​​​വാ​​​ക്ക​​​ൾ​​​ക്ക് കെ​​​എ​​​സ്ആ​​​ർ​​​ടി​​​സി ബ​​​സി​​​ൽ യാ​​​ത്രാസൗ​​​ജ​​​ന്യം ന​​​ൽ​​​ക​​​ണ​​​മെ​​​ന്ന ആ​​​വ​​​ശ്യ​​​വും ഉ​​​യ​​​ർ​​​ന്നു.

സ​​​ർ​​​ക്കാ​​​ർ ജീ​​​വ​​​ന​​​ക്കാ​​​രു​​​ടെ വി​​​ര​​​മി​​​ക്ക​​​ൽ പ്രാ​​​യം 58 ആ​​​യി ഉ​​​യ​​​ർ​​​ത്ത​​​ണ​​​മെ​​​ന്ന ആ​​​വ​​​ശ്യ​​​വും ഉ​​​യ​​​ർ​​​ന്നു. സ​​​ർ​​​ക്കാ​​​ർ ജീ​​​വ​​​ന​​​ക്കാ​​​രു​​​ടെ ഡി​​​എ ഒ​​​ഴി​​​കെ​​​യു​​​ള്ള കാ​​​ര്യ​​​ങ്ങ​​​ളി​​​ൽ സം​​​സ്ഥാ​​​ന സ​​​ർ​​​ക്കാ​​​ർ കു​​​റ​​​വു വ​​​രു​​​ത്തി​​​യി​​​ട്ടി​​​ല്ലെ​​​ന്നും മ​​​ന്ത്രി കെ.​​​എ​​​ൻ. ബാ​​​ല​​​ഗോ​​​പാ​​​ൽ പ​​​റ​​​ഞ്ഞു.

തിരുവനന്തപുരം: ക്രിസ്മസ്-പുതുവത്സര ബമ്പർ ലോട്ടറി നറുക്കെടുത്തു. XC138455 നമ്പർ ടിക്കറ്റിനാണ് 20 കോടി രൂപയുടെ ഒന്നാം സമ്മാനം. കാഞ്ഞിരപ്പള്ളി ന്യൂ ലക്കി സെന്‍ററിൽ നിന്നാണ് ടിക്കറ്റ് വിറ്റത്. 

ചിറക്കടവ് തടിക്കുംപറമ്പിൽ എ. സുദീഖ് ആണ് ടിക്കറ്റ് വിട്ടത്. ടിക്കറ്റ് വാങ്ങിച്ചത് ആരാണെന്ന് അറിയില്ല. 2023ൽ തിരുവോണം ബമ്പർ രണ്ടാം സമ്മാനം ഒരു കോടി രൂപയും മുമ്പ് അടിച്ചിട്ടുണ്ട്.

20 പേർക്ക് ഒരു കോടി രൂപ വീതമാണ് രണ്ടാം സമ്മാനം. മൂന്നാം സമ്മാനമായി 10 ലക്ഷം രൂപ വീതം 20 പേർക്കും നാലാം സമ്മാനമായി മൂന്ന് ലക്ഷം രൂപ വിതം 20 പേർക്കും അഞ്ചാം സമ്മാനമായി രണ്ട് ലക്ഷം രൂപ വീതം 20 പേർക്കും ലഭിക്കും.

കൂടാതെ, 5000, 2000, 1000, 500, 400 വീതം രൂപ സമ്മാനങ്ങളും ഉൾപ്പെടെ ആകെ 6,21,990 സമ്മാനങ്ങൾ ലഭിക്കുന്നു എന്നതാണ് ക്രിസ്തുമസ്-ന്യൂ ഇയർ ബമ്പറിന്‍റെ സവിശേഷത.

കോ​​​ട്ട​​​യം: ലോ​​​ട്ട​​​റി വി​​​ല്പ​​​ന തൊ​​​ഴി​​​ലാ​​​ളി​​​ക​​​ളു​​​ടെ ക്ഷേ​​​മ​​​നി​​​ധി ആ​​​നു​​​കൂ​​​ല്യ​​​ങ്ങ​​​ള്‍ ന​​​ല്‍കാ​​​നു​​​ള്ള പ​​​ണ​​​ത്തി​​​ല്‍നി​​​ന്നു 15 കോ​​​ടി​ രൂ​​പ​​യു​​​ടെ വെ​​​ട്ടി​​​പ്പ് ന​​​ട​​​ന്ന​​​താ​​​യി ക​​​ണ്ടെ​​​ത്തി​​​യി​​​ട്ടും കു​​​റ്റ​​​ക്കാ​​​ര്‍ക്കെ​​​തി​​​രേ ന​​​ട​​​പ​​​ടി സ്വീ​​​ക​​​രി​​​ക്കാ​​​ത്ത​​​തി​​​ല്‍ പ്ര​​​തി​​​ഷേ​​​ധി​​​ച്ച് ഓ​​​ള്‍ കേ​​​ര​​​ള ലോ​​​ട്ട​​​റി ഏ​​​ജ​​​ന്‍റ്സ് ആ​​​ന്‍ഡ് സെ​​​ല്ലേ​​​ഴ്‌​​​സ് കോ​​​ണ്‍ഗ്ര​​​സ് ഐ​​​എ​​​ന്‍ടി​​​യു​​​സി സം​​​സ്ഥാ​​​ന ക​​​മ്മി​​​റ്റി​​​യു​​​ടെ നേ​​​തൃ​​​ത്യ​​​ത്തി​​​ല്‍ ഇ​​​ന്നു രാ​​​വി​​​ലെ 10നു ​​​തി​​​രു​​​വ​​​ന​​​ന്ത​​​പു​​​രം ലോ​​​ട്ട​​​റി ക്ഷേ​​​മ​​​നി​​​ധി ഓ​​​ഫീ​​​സി​​​നു മു​​​ന്നി​​​ല്‍ ധ​​​ര്‍ണ ന​​​ട​​​ത്തും.

ക്ഷേ​​​മ​​​നി​​​ധി ബോ​​​ര്‍ഡ് പി​​​രി​​​ച്ചു​​​വി​​​ട​​ണ​​മെ​​ന്നും ത​​​ട്ടി​​​പ്പി​​​ല്‍ ഭ​​​ര​​​ണ​​​ക​​​ക്ഷി ഉ​​​ന്ന​​​ത​​​രു​​​ടെ പ​​​ങ്ക് കോ​​​ട​​​തി​​​യു​​​ടെ മേ​​​ല്‍നോ​​​ട്ട​​​ത്തി​​​ല്‍ സി​​​ബി​​​ഐ അ​​​ന്വ​​​ഷി​​​ക്ക​​​ണ​​മെ​​ന്നും ആ​​​വ​​​ശ്യ​​​പ്പെ​​​ട്ടാ​​​ണ് സ​​​മ​​​രം.